கேரளாவின் முதல் சமூக சமத்துவப் போராளி அய்யன்காளி

நாட்டுக்கே உழைத்த வல்லவர் –டாக்டர் அம்பேத்கர்             

                                                                                                  பேரா.முனைவர் க கணேசன், கொட்டாரம்

                 தொகையறா                         

சாதியின் பிறப்பிடத்தை

சரியாக கண்டவரு

ஆரிய மனுதந்திரத்தின்

ஆணிவேரை அசைத்தவரு

சமத்துவ சூரியனாய்

சட்ட ஒளி தந்தவரை

சாதியெனும் கைக்குடைக்குள்

மறைத்திடல் முடியாது

                     பல்லவி     

யாரு யாரு அம்பேத்கரு-இந்த

நாட்டுக்கே உழைத்த வல்லவரு       ( யாரு)

                      சரணம் 1  

வேளாண் நிலத்தையெல்லாம் அரசு உடைமையாக்கி

கூட்டுப்பண்ணை விவசாயம் வேண்டுமென்றார்

அனைவரும் உழைத்து உற்பத்தியை பெருக்கி

ஏற்றத் தாழ்வு அரக்கனை வீழ்த்திடச் சொன்னார்-இங்கு

ஏற்றத் தாழ்வு அரக்கனை வீழ்த்திடச் சொன்னார்

            சோசலிச கனவு மனதினிலே

             சுயநலம் காலின் தூசிபோலே                       (யாரு)

                            2

எட்டு மணிநேர வேலைச் சட்டம்போட்டு

மேதினத்தின் தியாகத்துக்கு மகிமை தந்தார்

தொழிலாளர் அவலங்கள் போக்கிடச் செய்யும்

வேலைநிறுத்த உரிமையை உறுதி செய்தார்-நாட்டில்

வேலைநிறுத்த உரிமையை உறுதி செய்தார்

           தனியார் உடைமையை ஒழித்திடவே

           அரசே தொழிற்சாலை நடத்தச் சொன்னார்     (யாரு)

                               3

பிற்படுத்தப் பட்டோர் கல்வி வேலைக்கு

பாராளுமன்றத்தில் முழக்கமிட்டார்

மகப்பேறு விடுப்பு சட்டம் போட்டு

மகளிரின் துன்பத்தை துடைத்தெறிந்தார்-இங்கு

மகளிரின் துன்பத்தை துடைத்தெறிந்தார்

            பெண்ணுரிமை மசோதா தோற்றதாலே

            மந்திரி பதவியை தூக்கியெறிந்தார்                 (யாரு)

                              4

கொள்ளை அடித்திடும் தனியார் வங்கிகளை

நாட்டுடைமையாக்கக் குரல் கொடுத்தார்

எல் ஐ சியை அரசின் ஏகபோகமாக்கி

அனைவருக்கும் காப்பீடு போடச் சொன்னார்- வயது

வந்தோருக்கு காப்பீடு போடச் சொன்னார்

          இந்திய நதிகள் அனைத்தையுமே

          தேசத்தின் சொத்தாக ஆக்கச் சொன்னார்         (யாரு)

                               5

சாதி எனும் பேயை சாய்த்து ஒழித்திட

புறமண முறையே சிறந்ததென்றார்

ஆதியிலே உதித்தமொழி தமிழ்மோழிதா னென்று

ஆராய்ந்து முடிவுரை எழுதியவர்-ஆதி

நாகர்கள் பேச்சுமோழி தமிழேயென்றார்

        சனாதன முறையை மோதி மிதித்தே

        சமதர்ம புத்தத்தை தழுவியவர்                               (யாரு)

                               6

அதிக பலத்துடனே சோசலிசவாதிகள்

ஆட்சியைப் பிடிப்பார்க்கள் என்றே சொன்னார்

சாதீயம் ஒழித்த சமத்துவமே

இந்தியாவின் சோசலிசம் என்றே சொன்னார்

       அவர்களால் சமத்துவம் வலிமைபெறும்-என்று

        ஆவேசமாகவே கர்ஜித்தவர்                                           (யாரு)